Ætla að færa mig hingað  barky.blog.is

Jæja, loksins datt ég í gang í hlaupunum.  Er bara nokkuð sprækur þrátt fyrir þreytu í löppunum vegna mikilla æfinga á lappir undanfarnar vikur.  Er bara með býsna gott þol og úthald og strax kominn í þann gír að hreinlega verða að fara út að hlaupa þrátt fyrir að færið og veðrið sé ömurlegt þessa dagana.

Ætla aðeins að hægja á næstu daga en taka langt á sunnudaginn.

Annars er ég farinn yfir á barky.blog.is   Nýtt blogg

Ágúst Kvaran tekur þátt í Marathon de Sables nú um helgina, þær fréttir sem ég hef komist í segja að fyrsti áfangi hafi verið sleginn af vegna mikilla rigninga svo hlaupið styttist í 212 km. 

Bandaríkjamaðurinn Michael Mason heldur úti bloggi um keppnina en tekur þátt.
Frásögn af MdS

Ágúst Kvaran í 191 sæti eftir fyrsta keppnisdag, 33 km

191

177

KVARAN

Agust

H

ISL

04H15'35''

1H41'30''

7,75

og hinn Íslendingurinn Justin Bjarnason er í 425 sæti

425

271

BJARNASON

Justin

H

ISL

05H01'22''

2H27'17''

6,57

Staðan eftir áfanga 2, Ágúst var í góðum málum í öðrum hluta og náði 113 sæti og færðist upp um tæp 50 sæti yfir heildina.

146

177

KVARAN

Agust

H

ISL

08H44'35

3H28'41

7,89

299

271

BJARNASON

Justin

H

ISL

09H53'06

4H37'12

6,98

Þá erum við tvíburabræðurnir skráðir aftur í Mont Blanc hlaupið í haust, hann var að fá staðfestingu á að hann kæmist í lengsta hlaupið í gær en honum vantaði einn punkt upp á en fékk inni með því að vísa til keppna utan þess lista sem skilgreindur er í kröfunum. 

Þá er bara að fara að æfa!

Fattaði um helgina að skórnir sem ég hef verið að hlaupa á voru orðnir ansi þreyttir.  Þegar það gerist finnst mér allt í einu hlaupin verða leiðinleg, verkir allsstaðar og hraðinn enginn. 

Snéri við eftir 2 km og fór í aðra skó og kláraði æfinguna.

Í dag fór ég svo í enn aðra skó og gjörsamlega flaug í gegnum æfinguna á fínum hraða. 

ERGÓ: muna að skipta oftar um skó!

Skrölti 14 km í dag, frekar þreyttur fyrri partinn enda hef ég verið í tímum hjá Átaki sem hafa reynt ansi mikið á fætur og hné.  Þegar ég hitnaði þá varð allt auðveldara og ég datt niður fyrir 5 tempó. 

Er að vona að ég fari að venjast látunum í tímunum svo ég nái að hlaupa meira, en það kemur.....!

Skrölti 20 km og gekk það ágætlega en stirðnaði töluvert í lokin og vantaði orku til að keyra í gegnum það.  Hef verið að taka vel á löppunum undanfarið en þrátt fyrir 3 daga hvíld var ég greinilega ekki búinn að jafna mig.   

Var reyndar að hlaupa síðustu km á 4:40 eða svo enda hafði ég hitt Aðalstein Árnason nokkurn sem var í hörkustuði eftir djamm næturinnar og þótti mér slæmt að ná ekki að hanga í honum þar sem ég var fullfrískur!

 

Eftir vikuhvíld er ég kominn á ról aftur. Gengur fínt núna að rúlla þetta núna og er að komast í hlaupastuð með hækkandi sól. 12 km í gær og 9 km í dag. Sá viðtal við Ágúst Kvaran í dag en hann er að fara í Marathon de Sables. Verður gaman að fylgjast með hvernig það mun koma til með að ganga, en hann á eftir að verða sárfættur í sandinum!

Skokkaði 10 km í UFA hlaupinu, gekk svona la la.  Fékk í magann svo ég náði alveg að dúndra á fullu í endasprettinum svo ég endaði nær 46 mín en 45 sem ég stefndi á.  Færið þokkalegt, hált sumstaðar en það hafðist. 

Ætla að reyna að fara 20 km á morgunn, það lengsta á árinu.

Var seinn af stað í morgunn, sofnaði seint og ákvað að sofa aðeins út.  Fór frá Sundlauginni á Akureyri með 20 km í huganum en fann fljótt að það gæti orðið erfitt svo ég ákvað að stefna á 15 km+ í staðinn.   Náði 17 km og var þá orðinn frekar þreyttur.  Pottur og gufa á eftir. 

Fékk að vita í síðustu viku að ég hefði verið valinn af biðlista Stokkhólmsmaraþons sem er 30. maí.  Þrír vinnufélagar eru skráðir og það freistar vissulega að skella sér með en margt annað líka í skoðun t.d. Mývatnsmaraþon.

Fór í gær til sjúkraþjálfara í tengslum við æfingatíma sem ég er í.  Var töluvert öðruvísi en hjá öðrum sjúkraþjálfurum.   Var fyrst bara að tala við hann um hitt og þetta m.a. það sem ég taldi há mér.  Eftir smá stund segir hann, það er eitthvað að vinstri mjöðminni, sé það hvernig þú stendur og hve hálsinn er skakkur.  Ég tók undir það enda vissi af því vandamáli. 

Ég legst á bekkinn og hann sýnir mér að hægri löppin er cm styttri en sú vinstri.  Tók undir það líka því ég hef verið að nota upphækkun þar.  Ekkert mál sagði hann, við lögum það.  Við svo búið fór hann að taka á mjöðminni og vinstra meginn var allt fast þ.e. ég valt yfir til vinstri þegar hann ýtti þar á, þegar hann ýtti svo hægra meginn gaf mjöðmin eftir og ég hreyfðist ekki þ.e. lá kyrr á bakinu.  Síðan tók hann nokkra rykki á vinstri mjöðminni og sýndi mér síðan að fæturnir væru orðnir jafnlangir, bingó!  

Hann hafði hinsvegar aldrei séð jafn hrikalega læri og kálfa og sagðist mundu klára sig ef hann færi að reyna að vinna í þeim!!  Benti mér að láta ganga ofan þeim eftir hverja æfingu í nokkurn tíma, þegar búið væri að liðka það allt upp þá skyldi hann taka við.

Svo tók hann nokkra rykki á hálsinn svo brakaði í.

Í dag fór ég 13.3. km með Eyrarskokki, er ekki frá því að ég sé eitthvað skárri, amk var hraðinn á mér mun meiri en ég átti von á.  Oft vel undir 5 pace og rólega öndun.

Áhugaverð grein um það hvers vegna fleiri karlar keppa í ultra hlaupum en konur.  Ekki samt viss um að allir séu sammála þessu.

Ætli maður skori ekki bara á Síams (S og Á) að koma með sína skoðun á þessu máli.

Childbirth Envy

Fór 8 km í hádeginu í gær og 12 km seinnipartinn.  Leið ekkert sérlega vel á 12 km æfingunni, allskyns draugaverkir og hlauparstingur að angra mig. 

Stökk svo á fætur rétt eftir miðnætti  (5:50 í morgunn) og skellti mér í ræktina, tók 5 km í upphitun og niðurskokk en þess á milli skellti ég mér í einn brennslutíma.

Rölti 15 km í dag.  Gekk svona la la fyrri hlutan, var stífur og þurfti að stoppa nokkrum sinnum til að teygja á kálfanum.  Á bakaleiðinni gekk allt betur og það sem kom mér mest á óvart að ég var að cruisa þetta á +/- 5 tempó sem kom mér þægilega á óvart þar sem ég hélt að ég væri ekki alveg kominn í þann gírinn eftir fáar æfingar á árinu. 

Byggi hratt ofan á þetta

Var búinn að heita mér því að skrifa ekki orð hér inn fyrr en ég færi lágmark 15 km á einum degi.  Það hafðist loks í dag, tók 10 km í hádeginu og 12 seinnipartinn.  Var búinn að vera í tómu vandræðum að komast lengra en 6-8 km, aðalástæðan var sú að mér leiddist að hlaupa á brettinu og ætlaði bara aldrei að ná að hanga nógu lengi á því.  En nú er ég búinn að sættast við brettið og við rúllum þetta saman í rólegheitum núna. 

Reikna með að æfa inni eitthvað áfram enda langleiðina í -15° C úti.  En held að þetta sé allt að koma núna, nú verður æft!